كده تسيبوا الضيوف تحت السرير

معجزه حلوه لابويا يارب تعجبه ويغفرلى غيبتى
كان فى ست مسيحيه تقيه جدا وبتحب البابا كيرلس فكانت اى صوره جديده للبابا كيرلس تنزل فى الكنيسه تجرى تشتريها وتبروزها وفى يوم جاتلها صوره هديه للبابا كيرلس وكالعاده جريت على النجار يعملها بروااز وسبتها عنده ومشيت لحد لما تخلص ولما خلصت الصوره النجار راحلها البيت يوديهالها ملقهاش فاضطر يخبط على جارتها وجارتها دى هى وجوزها كانو متعصبين جدا مش مسيحيين وعندهم ولد صغير مشلول المهم الست اتكسفت من النجار وقالت هاخدها اخبيها تحت سرير الولد عشان جوزها ميشوفهاش ويعمل مشكله وبكره الصبح اول ماينزل الشغل اجرى اخبط على جارتنا واديهالها وباليل يتفاجئوا هى وجوزها بالولد واقف على رجله وبيخبط على باب الاوضه مبقوش مصدقين وسالوا الولد ايه اللى حصل قالهم طلعلى قسيس بيبصلى وبيضحك وحط ايده على رجلى وقالى انت خفيت قوم روح لبابا وقوله عيب تسيبوا الضيوف تحت السرير فالراجل مفهمش قامت مراته حكتله حكايه الصوره الراجل لما عرف حلف الصوره دى تفضل فى البيت بركه ودليل على معجزه شفاء الولد وعرض على الست المسيحيه فلوس كتير عشان تسيب الصوره والست رفضت الفلوس وباعجوبه اتنازلتله عن الصوره
بركه صلواتك يابونا يا حنين محتاجين شفاعتك كتير عند رب المجد

اشفعلى واذكرنى انا بنتك الخاطيه