قصة للاطفال عن القيامة

قصة للاطفال عن القيامة

ليلة عيد القيامة كان ماريو بيصلي مع أسرته وسمع أبونا في الوعظة بيقول " لا يتم الخلاص الإ بربنا يسوع المسيح وحده " , ماريو فضل يفكر في الكلام ده لغاية لما روح البيت
ماريو : ماهو الخلاص يا بابا اللي لايتم الا بيسوع المسيح وحده ؟
بابا : ياه يا ماريو دي حكاية قديمة خالص ترجع لايام أبونا آدم وأمنا حواء , لما ربنا سكنهم في جنة عدن ووصاهم بأن من كل شجر الجنة ياكلوا ما عدا شجرة معرفة الخير والشر واللي يخالف الوصية عقوبته الموت لأن أجرة الخطية هي الموت . ولكن ضحك عليهم الشيطان وخلاهم يخالفوا الوصية وأكلوا من الشجرة , ومن يومها بقي آدم وحواء بيخافوا بسبب الخطية اللي عملوها . وطبعا زعل منهم ربنا وطردهم من الجنة وحكم عليم بعقوبة الموت .
ماريو : وبعدين يا بابا إيه اللي حصل !
بابا : ربنا بيحب خالص الانسان فدبر طريقة بها يخلص الانسان من هذه الخطية وعقوبة الموت , الطريقة دي انه يرسل شخص بدلا الانسان ويموت بدلا منه ويكون هو الفادي للبشرية كلها لأن كل الناس ورثت الخطية عن آدم وحواء فلا يوجد أحد بدون خطية ولا حتي الأنبياء .
ماريو : مين بقي يا بابا يرضي يموت بدل الانسان .
بابا : شوف يا ماريو هو الفادي لازم يتوافر فيه أربعة شروط أساسية :-
1- أن الفادي يكون بلا خطية . واحنا اتفقنا إن لا يوجد أحد بدون خطية , فهذا الشرط لا يوجد الا في الله .
2- أن يكون غير محدود وهذا الشرط لا يتوافر الا في الله لأن الله في كل مكان في السموات والأرض لان حتي الملائكة محدودة .
3- أن الفادي يكون قابل للموت حتي يفدي الانسان ويموت بدلا منه .
4- أن الفادي يكون انسان لكي ينوب عن كل انسان خاطئ .
ماريو : أفهم من كده يا بابا أن الفادي لازم يكون إله و إنسان , الاثنين مع بعض أنا كده متلخبط .
بابا : لا لخبطة ولا حاجة الله القدير المحب حل المشكلة , لانه بيحب الانسان نزل هو بنفسه وأخذ طبيعة الإنسان بان الروح القدس حل علي العذراء مريم فحبلت ربنا يسوع المسيح , وهو بكده يكون إله كامل وإنسان كامل , لكنهم واحد في شخص ربنا يسوع المسيح زي ما يقال في القداس ( لاهوته لم يفارق ناسوته لحظة واحدة ولا طرفه عين ) اللاهوت هو الطبيعة الإلهية والناسوت هو الطبيعة الإنسانية , وبكده يكون هو الفادي الوحيد اللي يقدر أن يحلص الانسان من الموت واللي بتتوافر فيه الشروط الأربعة .
وطبعا عارف يا ماريو إزاي أنه حمل خطيتنا ومات بدلا منا علي عود الصليب وقام من بين الأموات في اليوم الثالث وغلب الشيطان وأعطانا النصره والحياة الأبدية .
ماريو : ياه ايه الحب العظيم ده اللي ربنا أعطاه لينا .
بابا : ده حب كبير وعظيم زي ما قال الكتاب المقدس ( هكذا أحب الله العالم حتي بذل ابنه الوحيد لكي لا يهلك كل من يؤمن به
التوقيع:


يا جراح المسيح اجرحيني بحربة الحب الاهي
يا موت المسيح اسكرني بحب من مات من اجلي
يا دم المسيح طهرني من كل خطية
يسوع لقد عانيت كثيرا لاجلي ارجوك ساعدني في معاناتي لاجلك